أي (( قصيدة + دارمي + أبو ذية + زهيري )) حول (( الوطن ))

بسم الله الرحمن الرحيم

أخواني وأخواتي أعضاء المنتدى الكرام

السلام عليكم ورحمة الله وبركاته

اعتزازاً بعراقنا الجريح .. ووطنا الحبيب .. نضع هنا كل ما نحفظه من شعر .. أي شيء يكون قصيدة .. دارمي .. أبو ذية .. أم ذية .. زهيري .. ومضات ..

أي شيء

يخص الوطن العزيز

مو شرط تكونون حافظيه .. حتى لو نقل .. ولا داعي لأن تكتب ( نقل )

بس (( حاول )) أن تكتب إسم (( الشاعر )) إن وجد

أبدأ بهذا البيت الدارمي وللأسف لا أعرف قائله

(( تدري بوطنه شلون مرتفعه الاسعار؟ *** بس البشر بالكاع حاجه بربع صار ))

دار الفلك .. دار الزمن
ورغم المصايب .. والمحن
رغم التضارب .. والمصالح .. و الفتن
رغم القنابل ... والمذابح بالصحن
طبيت أزورك .. يا وطن
طبيت ازورك .. وشتكي .. يا بو الفضل .. يا بو الحسن
ذبحوا صلاتي .. وأمي.. ومحبوبي
ورادوني .. اذبحك يا وطن ..
ورادوني .. ابيعك يا وطن ..
ورادوني .. أسمك يا وطن ..
دسولي سمك .. بالهوى .. وبزادي .. ومشروبي
وشلون أسمك يا وطن ..
سم الحسن .. موشيمتي .. ولا ثوبي .. !

للشاعر خليل ناصر

احسنت اخي المدير على هذا الموضوع الجميل

ألف شكر أختي نور الإيمان على القصيدة الجميلة

*************

قصيدة صبرا يا وطن - للشاعر زياد البصراوي

صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك ..

صفت لأهل الكراسي وكلهه تآكل بيك
وانتَ( أيـوب )بعــدك ساكت شمالـك ..؟

ناس تبيع بيـك ونآس بيك تبيـع
وجوعان الشــعب وميتمّـة عيالـك ..

اهلك بايعينك لليــصّح شـرآي
والف شرآي واگــف يآكل بجالك ..

حزنانـه الشـوآرع والطريق طويـل
ومتيّه وطنــه ويـــــاهو ليطلعـه ...؟

خمستالاف حاكم وآنه دمي يسيـل
وبكــل بيت ميت .. كل فرع قطعـه ..

أبنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه ...

بعده الوضع نفسه وباقي نفس الحال
نفسه الرآح اجانـه وضربه في تسعـه ...!!!

السلام عليكم ورحمة الله وبركاته

القصيده بعنوان

هكذا العراق

امس واحد سألني كلي تبجي اشبيك

وعلى اشفافك ضحكتك ليش مصلوبه

ابجي اعلى العراق الصار مثل حسين

فو الذبح كتله هدومه مســــلوبـــــــه

وشلون اتريد ربك يلتفت للنــــــــــاس

ويعين العراق ويغفر اذنـــــــــــــوبه

نمله اتشيل نمله وتحزن من اتموت

وسراب النمل نلكاها مكلوبـــــــه

واحنه ابن البلد لومات بالتفجير

كبل متشيله اخوته اتفرهد اجيوبه

مثلنه احنه امس صارت افغانستان

وندريه اخس من عدنه منكوبه

لا باكت مخازن لاحواسم صار

ولا كيعان صارت عده منهوبه

من يامله احنه الخاطر العباس

وهم مثل الخلك وادمنه محسوبه

لو حته بمحرم والتفرهد صار

جاحتى الحسين انفرهد احبوبه

رد كال اشوكت هذا البلد يرتاح

من اقصى الشمال لاخر اجنوبه

مايرتاح كتله ولاتضن يرتاح

ولتصدك كلتله بهاي الاكذوبه

وذا واحد ايطفي وميه اليحركون

اذن حكه البلد بيه يلعب طوبه

********************

القصيده بقلم الشاعر المبدع ستار اللامي

تقبلو تحياتي

ســــلام ٌأيــهـا الوطــن ُ

الشاعر الكبير رعـــــــد بنـــدر

ســـلام ٌأيـهــا الـوطـن ُ ســــلام ٌكـلـه ُشَـــجَــن ُ

ســــلام ٌأيـهــا الـدامي ومــا لـدمـــائــهِ ثــمـن ُ

ســـــلام ٌأيــهـــا الـمـقــتــول ُلا قــبــرٌ ولا كـــفــن ُ

ســـــــلام ٌيــا عــزيــزاً ذل َّ، ذل َّ لـذلـِّـــهِ الـزمـــن ُ

ســلام ٌمن غـريـبِ الـدار ِعـاف َعـيـونَـه ُالـوَسَـن ُ

يُـقيـل ُعـثـارَ غـربـتـهِ بمـا جـادتْ بـهِ المِـحَـن ُ

ويُـبـصِـرُ ، كله ُعَـيـن ٌ ويَـسـمـعُ ، كــلـه ُأ ُذن ُ

بأنَّ خـيـولَـك َالـعــربـاءَ هـــدَّل َسـرجَـهَـا الـوَهَــن ُ

وقدْ صـارتْ كــلاب ُالـلـيــل ِخـيـلاً فـوقـهـا رَسَــن ُ

ســـلام ٌأيــهــا الوطــن ُ

ســــلام ٌأيـهـا الحــانـي وليسَ لـغـصَّـتي مِـنَـن ُ

ويـا جــرحــاً أكـــابــدُهُ عـلى بـلــواهُ مـؤتــمِـن ُ

ويـا شـجـراً من الأوجـــاع ِعـمري فوقـه ُغـصُـن ُ

أعـيـذك َمن معـاتـبـتـي عـتابُـك َمركـبٌ خشِـن ُ

تـظــنّ ُبـأنَّ قــافــيـتـي لها في الصمتِ مرتكن ُ

وأني غـيـر جـمـر ِالشِـعــر ِلي جـمـرٌ ومحـتَـضَـن ُ

وتـعـلـم ُأنـني الأعــتـى ريـاحا ًحـيـنَ أ ُمـتحَـن ُ

وأني المـلتظـي ضرمـاً وأني القـائــل ُالـلَّـسِـن ُ

وأنـي لـلـعــراق ِفـتــىً يُـصـان ُبـريـقـهِ اللبَـن ُ

ومـثـلـي لا يُـظـــنّ ُبـهِ وإنْ كـثرَتْ بيَ الظـُنَن ُ

نذرتُ دمي ، فقوَّسـني رُمـاة ُالنـبْـل ِواتــزنــوا

فـمــات َبـشِـعـريَ المـحــتــل ُوالمــأفــون ُوالنَـتِــن ُ

ولـمْ أنـحـبْ على الأطــلال ِغـيـري دمــعــه ُهــتِـن ُ

متـى بالـدمـع ِمحـض ِالـدمـع ِعـــاد َلأهــلـهِ وطــن ُ

ســـلام ٌأيــهــا الوطــن ُ

ســلام ٌيـسـتـجـيـرُ بـهِ غــريـبٌ سِــــرّهُ العَـلَـن ُ

تـفـفـَّنَ طــاعِـنـوهُ بــهِ بمـا ذمّـُوا ومـا لـعــنـوا

وهـمْ أدرى وقـدْ طـعـنـوهُ أيَّـــة َصـخـرةٍ طـعــنـــوا

وهـمْ أدرى بشِـسْـع ِالـنـعـل ِمن نـعـلـيِّـهِ ما وُزنـوا

وقـدْ كـانـوا زرازيــراً لـهـا أكـــتــافـــهُ فــنَــن ُ

وسائـلـةٍ ترى ضحكي ويُدهشُ وجهُها الغضِن ُ

أقـول ُلها وقـدْ بهُـتـتْ دعـي الموتى بما دُفِـنوا

متى ما شئتُ أنبشُـهُمْ فيفضـح ُنفسَــه ُالعـفـن ُ

ســـلام ٌأيــهــا الوطــن ُ

أجُـلـّـُك َأنْ تـكـون َدمــــاك َمـلهــاة ًلـمَـنْ ذعَــنــوا

وأنْ يـســتـمـكـــن َالأقــــزام ُفـوقَ ثــراك َوالدَرَن ُ

فـقــاعــات ٌمـجــوَّفــة ٌ تـطـيـرُ بـقـدْر ِمـا تَـهِـن ُ

لـهـمْ أطـمـاعُهـمْ أمـل ٌ لـهـمْ مـحــتـلــهـمْ وَثــن ُ

أتـرجـو من سماسِـرة ٍ خـلاصــاً أيـهــا الفـطِـن ُ

ومـا في صـوتِـهمْ صـوت ٌولا فـي أفــقِـهـِمْ مــزُن ُ

وكـيفَ لـفـاقـدٍ يعِـطـي وكـيـفَ لـريـشــةٍ تــزِن ُ

فـصـبـراً طــائـرَ العــنـقـاءِ وعــدُك َفي غـدٍ يَـحِـن ُ

عـراق ٌأنـت َلا يـفـنى ومن ْسفكوا دِمـاهُ فـنـوا

سـتـبـقـى نِـدَّ هـذا المـوتِ مهـمـا بــالــغ َالضَــغـن ُ

وَحُــرّاً... يـا سـجـيـنـاً فـيـهِ سـجَّـانـوهُ قـدْ سُجـنـوا

ســـلام ٌأيـهــا الـوطـن ُ

ســــلام ٌيـا كــبـيـرَ الـهــمِّ بـعــضُ الـهــمِّ يُـخـتـزن ُ

أتـعـجـبُ من قـيـودِ يــديِّـــك َوهـيَ لـثــائــر ٍسُــنَـن ُ

وأنت َالصخرة ُاليخشى لـظـاهـا الراكِــد ُالأسِــن ُ

ويـدري أيـن َمـقـتـلهُـمْ فيـطـعـن ُرمـحُـك َالـلِّـدِن ُ

عــلـيــك َتـحــزَّبَ البُـلـهـــاءُ ظـــنـَّـاً أنـهُــمْ أمِــنــوا

وظــنـَّـاً أنَّ لـحــم َالأ ُسْــــــدِ في أفــواهِــهـمْ مَــرِن ُ

وأن ْتـرضى بـداجـيـةٍ تـُـطـيـل ُظـلامَـها الفِـتَـن ُ

ضَحِكـت َ! فخـاب َموتـورٌعـليـك َوريْـع َمُضْـطـغِـن ُ

وَرُبَّ مـدجَّـــج ٍبالحــزْن ِأضـحَــك َحــزنـَـه ُالحَـزَن ُ

وقدْ عـضّوا أصابعَـهَمْ لأيِّ مـحــاربٍ كــمِـنــوا

فـيـا بـحْـرَ الـدِمـا والـدمـع ِمـن ْخاضُـوا بهِ وَهِـنـوا

سـتـجري الرِّيْـح ُعاصفـة ًكـما تُـوْمِي لهـا السُـفـن ُ

ســـلام ٌأيــهـا الوطــن ُ

ســـلام ٌيـا نـجــيَّ الـروح ِبـعـــدَك َيـعــقــم ُالزمــن ُ

ويـا وَجَـعَــاً أنـــوءُ بـهِ وأظــهــرُهُ وأكــتــمِــن ُ

وفي حـالـيـهِ مـقــرُون ٌ بدمعـي حـيـن يـقـتـرِن ُ

جبـيـني فيـك َمغـتضِـن ٌ وقـلبي فـيـك َمغـتضِـن ُ

وَوَا أسـفـي أمُـجّ ُدمـي ويمضـغ ُلحـمـه ُالبَـدَن ُ

سـلامي صار تـلويـحـا ً تـصُــدّ ُلـهــاثـه ُالمــدُن ُ

ولـكـنـي عـلى وجَـعِـي بزهـوي فيـك َمرتـهِـن ُ

فـمـا صادفـت ُمـقـتـولا ً تـدَلـَّـى وهــوَ مـفـتـتِـن ُ

ومن ْقـتلوهُ قدْ صُعِـقوا لـمِـيـتـتِـهِ بـمـا بَـطِــنـوا

ونعـذرُهمْ وقـدْ بَـهـتـوا وتـحت َحِـذائِـهِ طـُحِـنوا

فحـيَّـا ًمنـه ُقـد ْجَـبُـنـوا ومـيْـتـاً منه ُقـدْ جَـبُـنـوا

ســـلام ٌأيــهـا الوطــن

السلام عليكم.كيف حالكم؟حبيت اشارك بهذه الموضوع كوني ستوني راجعه من العراق الحبيب و للمنتدى.و هاي بعض الابوذيات عن عراقنا

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

قيمة البشر مو فلوس وسيارة ........... وعمارة
البشر للموت يمشي شما طالت ........... عمارة
مدرسة غيرة وزلــــــــم ارض ............ العمارة
للحگ فزعو فرد فزعة وكلهم ناصرينة

عونك ياعراق الخير والطيب
وبترابك نداوي العلل واطيب
وتجيك الناس مدري منين واطيب
وجابولك الفتنه الطائفيه

وعليكم السلام ورحمة الله وبركاته

أهلاً أخت حنين وحمداً لله على عودتكم بالسلامة من أرض الوطن - العراق الحبيب - أكيد ما نسيتونا بالدعاء!! لو الوضع والازدحامات والأتربة والطسَّات والنفط والغاز والبانزين والماء الخابط والحر الشديد ووايرات المولدات كل هاي الأمور نسَّتكم الدعااااء؟؟؟!!!

الأبيات جميلة وشكراً للمشاركة أختي الغالية

ههههه اخي العزيز انا اختك كوثر مو حنين ولو ماكو فرق انشاء الله بينه كلنه اخواتك بالله.طبعا ماشفت احلى من العراق هو حلاته بترابه و الخ..هههههههه.لا و الله مانسيت اي مؤمن ومؤمنه اله و خصيته بالدعاء

قصيدة بعنوان ......... هموم الوطن

آه........آآآآآآآآآآآآآآآآه .............آه

لو بحت بالابيات لتفجر شاطئ العيون ...........فخليها احسن ....

الى الشاعر المبدع ........... آآآآآآآآآآآهات

تحياتي .........هاي وين رايح

دار الفلك .. دار الزمن
ورغم المصايب .. والمحن
رغم التضارب .. والمصالح .. و الفتن
رغم القنابل ... والمذابح بالصحن
طبيت أزورك .. يا وطن
طبيت ازورك .. وشتكي .. يا بو الفضل .. يا بو الحسن
ذبحوا صلاتي .. وأمي.. ومحبوبي
ورادوني .. اذبحك يا وطن ..
ورادوني .. ابيعك يا وطن ..
ورادوني .. أسمك يا وطن ..
دسولي سمك .. بالهوى .. وبزادي .. ومشروبي
وشلون أسمك يا وطن ..
سم الحسن .. موشيمتي .. ولا ثوبي .. !

للشاعر خليل ناصر

صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

قيمة البشر مو فلوس وسيارة ........... وعمارة
البشر للموت يمشي شما طالت ........... عمارة
مدرسة غيرة وزلــــــــم ارض ............ العمارة
للحگ فزعو فرد فزعة وكلهم ناصرينة

عونك ياعراق الخير والطيب
وبترابك نداوي العلل واطيب
وتجيك الناس مدري منين واطيب
وجابولك الفتنه الطائفيه

اشعار قمه في الروعه والابداع تحيه لكم جميعا

على الابداع المتواصل

» عربي إنجليزي قصيدة غزل مشتركة
» قصيدة شعبية ( الريل وحمد ) روعة