أجمل ما وصل اليك

بســـــــــــــــــــــم الله الرحمن الرحيـــــــــــــــــم

في كل المنتديات تجد حقول خاصه او اقصام لكل ما ""أغرب ""أكبر""أروع
وفي بالي عدد من هذه الاروعات

ووددت هنا في قسم الموبايل ان تضعو يا أعزائي

أجمل ما وصل اليكم من رسائل عبر[الموبايل]ولكم مني اطيب تحيه وأرق سلام
اما عني فقد وصلني موخرا رسالتان جميلتان جدا

الاولى عباره عن أبوذيه....تقول
روحي وياك ما تكطع ..وصلهه
تفرح لو خبر منك ....وصلهه
تظل نبع المحبه أنته..وأصلهه
ورغم البعد غالي انته عليـــــــــــــه

والثانيه من صديق عزيز..وهي عباره عن دارمي جميل ..تقول

لو ردنه آنه وياك بلخوه نحجي
صدكني انته الشيخ وآنه الكهوجي

اتمنه اشوف اجمل مسجاتكم ... من خلال مشاركاتكم وتعقيباتكم

أحلى موضوع هذا يا ولدي العزيز

بالنسبة إلي عندي كمية هائلة من المسجات الحلوة بس للأسف آني ما عندي موبايل لذلك يوصلني عن طريق صندوق البريد

منها:

للخوة امدها الروح وانت اسحك ودوس .... واشفافي كاع تصير بجدامك تبوس
...............
منخل والف غربيل للخوة هزيت .... خروا خرير الماي بس انت ظليت
................
الهوة وي الذاك والمدري شسمه .... خلاني مثل الذاك الناسي إسمه
...............
ليش انت هيج وياي ليش انت هيجي ..... جيه آني هيج اوياك صرت انت هيجي ؟
..............
هن هواي بوية بس أكتفي بهالكم بيت دارمي وصلني عن طريق صندوق البريد

تحيه لك يا عملاق الابوه
على المشاركه بلموضوع وتقديم الرعايه لابناء المنتدى

وقد ذكرني بيت الدارمي هذا بعمي""

الهوة وي الذاك والمدري شسمه .... خلاني مثل الذاك الناسي إسمه

اللذي يقول

شلون تقبط داخل......وأنته مريدي على الفلاح

وشكري الجزيل لك عمو؟؟؟؟

الموضوع جميل و فريد من نوعه اشكرك عليه اخي الغالي و اخر مسج وصلني هو

الحياة صفحاة و صداقتج اجمل صفحة فيها
يمكن اخبيها بس مستحيل ارميها.

تقبل مروري و تحياتي.دمتم بود

شكري المطعم بأريج الموده الخالصه لكي يا أخت كوثر على المشاركه

وتقبلي تحياتي

واللهي دائما مبدع يا عزيزي الغالي نور الصديق الصادق

ومشاركتي تكون بابو ذيه

وتقول

صديجي الجـــــــــــــــان رايدني... واريده
رخص دمـــــــــــــه وكطع لاجلي... وريده
صديجي الجنت احبــــــــــــــــنــه... وريده
شماله شــــــــو كطع وصــــله عـــــــلــيه

ارجو ان تنال اعجابكم يا شباب

تجياتي ........الموج الهادئ

شكرا يانور الصديق على هذا الموضوع الجديد
والله هيه هوايه المسجات الحلوة وراح اذكر بس واحد لان البارحة مسحت المسجات اللي كانت محفوظة بالجهاز

دم كلبي اديره عليك لو خلص دمك
واتمنى دوم تصير كعداتي يمك

الله الله على مسجاتكم الرائعه الجميله
ولا تنسون الموضوع هو لاجمل المسجات
او الرسائل [بلعربي] التي تصل عبر الهاتف

موضوع رائع اخي الكريم

اما المسجات او بالاحرى دارمي مدري شيسمونه الي عاجبني ودائما اردده هو

ليش التريده الروح شوفته بعيده *** يتخاطف ويه العين يالماتريده

الله الله ... دارمي جميل جدَّاً أختي الفاضلة .. وشكراً للمشاركة

أمّا عن مشاركتي فهي عبارة عن أبو ذيَّة وذيَّة صغيرة

آنـة الموت وكتـة ويـاي .. حل حل

وعلي دنيـاي كلهة تصيح .. حل حل

بتــابوت وجفن غطـوني .. حل حل

مايرضة يتلفلف بي علية

******
كلت اخاوي الليل بلجن بي وفاء @ وخان بيَّ الليل من شاف الصبح

ليش التريده الروح شوفته بعيده *** يتخاطف ويه العين يالماتريده

بيت دارمي جميل جدا من الاخت

نور الايمان

وكذلك الاروع من
حسن الساعدي

آنـة الموت وكتـة ويـاي .. حل حل

وعلي دنيـاي كلهة تصيح .. حل حل

بتــابوت وجفن غطـوني .. حل حل

مايرضة يتلفلف بي علية

وعني فأهدي لكم هذا الدارمي

ليش الفكر للموت شابع مآسي

تتشلبه دوم عليه اهل الكراسي

وننتظر من الاعضاء المزيد....وياريت الجديد
ههههههههههه

والف هله بلجميع

تحيَّة خاصة لك منّي يا نور .. إن كنتَ حاضراً فإنَّ نوركَ ساطعٌ .. وإن غبت عنّا فاعلم أنَّ نوركَ أزلي .. وعطرُك دائمُ الـ( فوحان ) ههه

أمّا عن مشاركتي اليوم فهي عبارة عن ومضة

نِدَه روحي النسيم وليك حنِّيت

ومثل قطرة نده بوردك تبدِّيت

تمنِّيتك تجي بكـــد ما تمنِّيت

حتّى انشدك من عطشتك ليش ما جيت ؟؟

ليش ما جيت ؟؟؟

مع شكري الجزيل للجميع والجميعات

والله يا حسن شرح قلبي كلامك

ولو آني اليوم احلف هواي

بس الك معزه ...دائمه {الوجدان في قلبي }

آخر رساله وصلتني تقول...
لو المعزه بلرسائل ..يمكن ادز مليون
لكن معزتك بلقلب ..تسوه الارض والكون

شايله روحهه ها....

هههههههه

والف هله بكل الاخوه الاعضاء

منك حنان وطيب متعود اسمع لالايخوي ارجوك لابيه تكطع يا حسن

موضوع جميل شكرا لك اخي الكريم واخر مسج وصلني هو

اللهم اسألك بحق الحسين وكف العباس
وضلع الزهراء ومحنة الحوراء ودموع سكينه
وذبيح الرضيع والم السجاد وسبى العيال
ان تحفظ قارئ هذه الرسالة

وسهلا عبرت اجبال لعيونك وسهلا
ومصاعب سجتك هانت وسهلا
اجيتك لاقلت اهلا وسهلا
توجيت على قلبي وخان بية

ارجوكم لا تاخذون هل كلام من باب الغزل
وانما من باب الترحيب

السلام عليكم
مسج جميل جدا من الاخت ........زهراء

وأبوذيه رائعه من الاخ حيدر

اما آخر مسج وصلني فيقول ......

كلك كرم ..واخلاق..وتحبك الناس

والعنده هيج أطباع....ينحط على الراس

وقد أعجبني ...اتمنى يكون عجبكم

وشكرا ..لكل من ساهم او سيساهم بلموضوع

وبأنتضار أحدث ما يصل اليكم

وصلني اليوم مســــــــــــــــــــج
يقــــــــــــــــــول ..................

قضيت اسمك وعلى اسمك ماشخطنة
ازدحام واحنة على دربك ماشي خطنة
شضن من كد حلاتك ماشخطنة
لاوالله اليشوفك ينشخط مية المية

طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية

وتحياتي للجميع .......

الله يساعدهم
قزالة قزلوكي // بالماي دعبلوكي
كعده على الشط // كعدة تمشط
اجاها نومي // كللها كومي
هاضه حصانج // اشده واركب
؟؟؟؟؟ // ؟؟؟؟
ابجي على عدولي // عدولي الف و100

هاضه الشعر وصلني بيوم صار عندي اللي طلعت من المستفشه

هنجل گلبي من شافك ودرباك
وحرت أشلون أعلمنك ودرباك
كضيت زحوف شارعكم ودرباك
وزلغت الركب وعكوس أديه
اجمل ماوصل عمي ابو ذيبه شو دور بالدفاتر القديمه

اعودو بلله منك يا حويدر عاينو شلون يدور طلايب

أبد ما أصطبيلك ونتبهلك
وحذر حيل مني ونتبه لك
أنه ابئهلي أزامط ونته بهلك
(أذا أهلك زلم هدهم عليه)

ابو ذيبه عيب

خاب كم

ها مو من شيمكم موانت تكول
آنه ابن البخت والدلة والفنجان

آنه ابن المضيف الما طفت نارة
والله عيب يكون هيج رد فقير المعنى

اللهومه طولج يا روح

نعنتلله علشيطان

عمي انت حويدر صدك فكرك يدولب بيك

نعلت شيطان الف مره
وتبسمت لردك فقير المعنى
لكن ارجع واكول لشيبه هيه
ام البخت ودله
عسك تكون من يتكلم معنى
الله يهدي ناس من ضاله

عمي انته والله ذبحتني فغير وفغير شمالك حويدر؟
منين متعلم هالجلمة هاي مال فغير المعنا؟ خخخخخ شني دلة شني فنجان عمي انته صدك لو كال ابو المثل الما عنده خوان ما يعرف تدابيره ويحط عوذة ويستشير.

ها شو ساكت؟؟ ما ترد

حويدر

لا والوفك اي والله

توسعت أطراف المعركه بين ابو ذيبه

والاعضـــــــــــــــــــاء حتى وصلت الى هنا

لا والغسمه ..... ولن أكتب أحدث ما وصلني

حتى تعود المياه او الميه الى مجاريرها بعون الله

عمي الله يساعدهم \\ اولن سلامون عليكم \\ ثانيا شلونكم
عمي ابو نور السديق \\ انه اللي يعارجني بعده ما والدته امه \\ شني شايفني تايه بعد عمك؟
هسه نرجع لسالفتنه مال الشعر

هاضه هدية لأم ذيبة (جمالة) وهو:

زيدي بدلالج علي استاهل اني هواي \\\ ياريت شكلج حلو جنج مرة بباي

عمي بعد لحد يحاجيني تره واصله لخشمي ووحك العباس ابا عبد الله لخوطكم خوط كلكم بخويطكم ولخليكم فرجه للعالم

ميت هلا بيك يانور الصديق
الغسمه مو غسمتك غسمت ابو ذويبه
اليه يدعي آنه ابن البخت والدلة
وهو ما يعرف حتى يحجي جلامات مع بعضه
من اصل المعنى والله فقير المعنى
والله عيبببببببببببببببببببببببببببببببببب

أبو ذيبة العماري كتب:: عمي الله يساعدهم \\ اولن سلامون عليكم \\ ثانيا شلونكم
عمي ابو نور السديق \\ انه اللي يعارجني بعده ما والدته امه \\ شني شايفني تايه بعد عمك؟
هسه نرجع لسالفتنه مال الشعر

هاضه هدية لأم ذيبة (جمالة) وهو:

زيدي بدلالج علي استاهل اني هواي \\\ ياريت شكلج حلو جنج مرة بباي

عمي بعد لحد يحاجيني تره واصله لخشمي ووحك العباس ابا عبد الله لخوطكم خوط كلكم بخويطكم ولخليكم فرجه للعالم

وعليكم الســــــــــــــــــــلام أبو ذيبه .......

الله يساعد .... بختك ... وفالثا أحنه بخير مادامك بخير

انته تكول ما جابته أمه اليعاركني .. ولحد الان حوالي أكثر من عضــــــــــــو هو في عركه ومكاونه مستمره وياك

ما تعليقك ...

كما ان تشبيه ام ذيبه بمرة بباي هو ظلم لوالت دزني على ما أعتقد

والله من وراء القصد

وما واصلني شئ جديد .. جــــــــــــان كتبته

وبأنتضار بو ذيبه .. الى لقاء قريب انشاء الله

ههههههههه
المعركة وصلت هنا ما شااء الله
هههههه
كل موضوع ادخل بيه اشوف بيه عرك شنو الساالفه

موضوع جميل اخ نور
لكن اتمنى تعذرني ههههه تعرف اني بالغربه ما توصلني هيج مسجات
بس راح ابقى متاابعه للموضوع على كل الاحوال
تحياتي للجميع

كاتب الموضوعرسالة

حيدر الساعدي
عضو مشارك
أجمل ما وصل اليك Default2

عدد المشاركات: 66العمر: 26البلد: العراق - العمارةتاريخ التسجيل: 08/05/2009النقـــــاط: 206الشكر والتقييم: 4البــــرج: أجمل ما وصل اليك Icon_zodiac_capricorn_1

موضوع: رد: أجمل ما وصل اليك أمس في 8:35 pm

+ ---- - ميت هلا بيك يانور الصديق الغسمه مو غسمتك غسمت ابو ذويبه اليه يدعي آنه ابن البخت والدلة وهو ما يعرف حتى يحجي جلامات مع بعضه من اصل المعنى والله فقير المعنى والله عيبببببببببببببببببببببببببببببببببب

شوف حويدر
انته وين اهلك ؟؟
حويدر انت تهيس شي بعد عمك؟ شني ماجل خريط لو شني بوية؟
عمي انته شجلبت بالدلة والفنجان \\ يا يناها يللا الله \\ موتتني بهاي جلمة الفغير المعنا هخخخخخخ شني حويدر شمالك شجاك؟

السلام عليكم ياحنين ويا نور الصديق
عمي احضرونه
تراه ابو ذيبه بداء يجاوز الحدود
شانهي القضيه
لازم يكون اله حد في الاصول
ايا حجيك فغير المعنى انا
الك بالحلاه
تطلع لو ما تطلع

سلامن سلامن سلامن

الف هله بحيدر

وبيك اكثر يا بو ذيبه... وتحيه كبيره لكما مع ابتسامــــــــــــــه عريضه ؟؟؟

أخت حنين متابعتكي للموضوع تضيف اليه الرونق

اتمنى منكي دوام المتابعه ... وانشاله توصلج مسجات أجمل من هاي

هههههههههههههههههههههههههههههههههههههه
ههههههههههههههههههههههههههههههههه

هاي شصااااااااااير الله يستر من طلايب أبو ذيبة .. انووب وي (( عظم الرقبة )) ؟؟!!!

لالالا أبو ذيبة لهنااا وكافي بعد .. آني صح مو عشائري وما أحب العشائريَّة بس لهنا أعتبرها وصلت حدها

للسواعد وكافي رجاااءً .. هذا حيدر من عظم الرقبة أبو الأذياب شني سالفتك حجي ؟؟

عذراً حبيبي نور انشغلت بطلايب الحجّي أبو ذيبة .. نرجع لموضوعك الحلو مثلك

آخر ما وصلني هو:

إلك حُب بوسط كلبي .. والك للموت أتعنَّه

وإذا حبَّك يصير النار أحبَّك واترك الجنَّة

طبعاً هذا المسج من إبن عمّي ( مصطفى جميل ) أرسله لي بعد وصولي من العراق إلى دمشق بساعات

تحيَّّة للغالي مصطفى

[quote="حسن الساعدي"]

هههههههههههههههههههههههههههههههههههههه
ههههههههههههههههههههههههههههههههه

هاي شصااااااااااير الله يستر من طلايب أبو ذيبة .. انووب وي (( عظم الرقبة )) ؟؟!!!

لالالا أبو ذيبة لهنااا وكافي بعد .. آني صح مو عشائري وما أحب العشائريَّة بس لهنا أعتبرها وصلت حدها

للسواعد وكافي رجاااءً .. هذا حيدر من عظم الرقبة أبو الأذياب شني سالفتك حجي ؟؟

عذراً حبيبي نور انشغلت بطلايب الحجّي أبو ذيبة .. نرجع لموضوعك الحلو مثلك

آخر ما وصلني هو:

إلك حُب بوسط كلبي .. والك للموت أتعنَّه

وإذا حبَّك يصير النار أحبَّك واترك الجنَّة

طبعاً هذا المسج من إبن عمّي ( مصطفى جميل ) أرسله لي بعد وصولي من العراق إلى دمشق بساعات

تحيَّّة للغالي مصطفى

تحيه طيبه لك اخي الغالي حسن
ومرحبا بلعوده وميمونه ومباركه ان شاء الله

أما بعد :
تحيه لعظم الركبه :حيدر الساعدي ومبين عليك ابد مو عشائري هههههه
ومســـــــــــج رائع من الغالي مصطفى

أما أحدث ما وصلني فيقول

خـــــلاص ياعســـــول??" رمضــــان على وصـــــول??"حســـــنات على طـــــول??"ســـــيئات بتـــــزول??"مســـــحراتي يقـــــول??"كلـــــوا زبـــادي وفـــــول??"وأوعــــى تفطــــرياكســـــول??" وصيـــــامك أن شـــــاءألله مقبول ؟؟"

وهاي أحسن مناسبه أطلب بيها من المدير ..تثبيت الموضوع

مع اطيب تحياتي.....

السلام عليكم حضرت المدير المحترم اعزك الله في عزه العظيم
وانار لك طريق الاحلام الى واعانك على مضايقه الزمان يارب العالمين امين

الف تحيه وسلام الى اعزالاصدقاء
منا لك سلام الله يا نور صديق
هل من الممكن
ان ترسل اخر ابيات من شعرك
الجميل

ههههههههههههههههههههههههههههههههههههههههههههههههههههه
ابو ذيبه فلتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
والله واسفه ازلمه فلت بشيباته
هاخويه كتلك بالحلاه هيج سويت
اذا لازملك باب البيت شسوي
ههههههههههههههههههههههههههههههههههههههههههههههههههههههههههههه

خاب كم \\ فلتت شني

عمي انت طالبني بطلابه ؟؟ شني انته اهلك ما يردونك بوية؟؟

ليش فكرك يدولب بيك بعد عمك؟ خاف اطلع من طوري واسويها بيك سنينه واخليك عبرة للجميع
عوفني حويدر وخليني بحالي واتجفه الشر بوية احسنلك \\ اسئل علي هاض ابو السديق وقيره اللي واريتهم نجوم الظهر
انوب انته بعد سلامة تعبت

اممممممممممممممممممممم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عدرا اخي نور
هههههههههه هدا صار اجمل ماوصل اليك من عركات مو مسجات

الله يساعدكم على ابو ديبة المحترم

ههههههههههه

أهلاً وسهلاً بالأخت ( نور الإيمان ) ومرحباً بالعودة مرة آخرى

صحيح صارت آخر عركات أبو ذيبة وحيدر الساعدي

نرجع للموضوع ... للأسف صار فترة لا مسج لا مسكول لا حتّى رنَّة ؟؟!!!!

بس مو مشكلة رح أخلِّي فد شي من صفحات ذاكرتي الشعرية

خرسة التدكـ بالباب .. عمية التفك بيه

الخرسة عدها اعتاب للعمية تحجيه ....... هاي شلووون تصير ما أدري؟؟

تحياتي

سلاما يا عراق

الميت شمدريه بالماشي جناز

لكن طبع بالروح تمشي ويه العزاز

ماوصلني بس ادكره

مثل النفس بالروح تسري
انته بعضاي لحظه اعتقد ماعيش
من تكطع وياي

نور الإيمان كتب:: عدرا اخي نور
هههههههههه هدا صار اجمل ماوصل اليك من عركات مو مسجات

الله يساعدكم على ابو ديبة المحترم

اهلا نور الايمان

فعلا اختي الغاليه ... اجمل ما وصل من عركات
والفضل يعود لابو ذيبه الموقر

والاخ حيدر {{{ من عظم ركبه المدير }}} ما نكدر نحجي

وشكرا لحسن الساعدي لاعاده الموضوع للمسار الاصلي ؟؟؟؟

شكرا للمرور العطر

حسن الساعدي كتب:: ههههههههههه

أهلاً وسهلاً بالأخت ( نور الإيمان ) ومرحباً بالعودة مرة آخرى

صحيح صارت آخر عركات أبو ذيبة وحيدر الساعدي

نرجع للموضوع ... للأسف صار فترة لا مسج لا مسكول لا حتّى رنَّة ؟؟!!!!

بس مو مشكلة رح أخلِّي فد شي من صفحات ذاكرتي الشعرية

خرسة التدكـ بالباب .. عمية التفك بيه

الخرسة عدها اعتاب للعمية تحجيه ....... هاي شلووون تصير ما أدري؟؟

تحياتي

ابو فلاح سيد الالتفاتات والترحيبات

{{نرجع للموضوع }}
ماشاء الله تحمل جعبتك الكثير {{ نظرا لكثره سنين الغربه }}
"" الخرسه عدها اعتاب للعميه تحجيه ""

اتقد تكدر توصل الله الفكره بلايحاء الروحي .. هههههههههه

سوالفك متخلص حســــــــــــن ....
تحيه لمرورك .... وللمتابعه المستمره

» أجمل الكنائس في العالم ( صور )
» @@ إختار أجمل وأقوى نكته من 10 نكات @@